Եգոր Կրիդից բազմամիլիոնանոց փոխհատուցում են պահանջել Աբու Դաբիում ելույթները չեղարկելու համար

Աբու Դաբիում ամանորյա երաժշտական փառատոնի կազմակերպիչները ռուս հայտնի երգիչ Եգոր Կրիդից բազմամիլիոնանոց փոխհատուցում են պահանջել նախատեսված ելույթները չեղարկելու համար:

Ինչպես հայտնում է gazeta.ru-ն, իր ելույթից առաջ երգիչը նստած է եղել բեմից ոչ հեռու, սուրճ է ըմպել՝ հայտարարելով, որ «չի ենթարկվում խիստ գրաֆիկին ու ելույթի համար համապատասխան տրամադրություն չունի»: Այս ամենի հետևանքով նա ելույթ չի ունեցել:

Ներկայում փառատոնի կազմակերպիչները հաշվում են Կրիդի պատճառած վնասի ստույգ չափը: Ենթադրվում է, որ նրանք մի քանի միլիոն ռուբլու փոխհատուցում կպահանջեն: