Ամերիկյան շոու բիզնեսի ամենահայտնի զույգերից մեկը՝ երգչուհի Բեյոնսեն և ռեփեր Ջեյ Զին, վերջերս հայտնել էին, որ 2-րդ անգամ են ամուսնացել: Այժմ երգչուհին իր իստագրամյան էջում հրապարակել է այդ միջոցառման ժամանակ արված առաջին լուսանկարը:
Ինչպես նշում է Daily Mail-ը, դրանում երևում է Բեյոնսեի կրած հարսանեկան զգեստը, երկար քողը, ինչպես նաև կերպարին հետաքրքրություն հաղորդող ակնոցը:
Լուսանկարում պատկերված է նաև փեսան, որը, ինչպես և կինը, ոտքից գլուխ ճերմակ է հագել:
Հիշեցնենք, որ Բեյոնսեն և Ջեյ Զին ամուսնացել են 2008թ. և ունեն երեք երեխա: Հատկանշական է, որ զույգն իր երկրորդ ամուսնությունը կազմակերպել է 2018թ.՝ առաջին ամուսնության 10-ամյակի կապակցությամբ:
