Հայաստանի ֆուտբոլի ազգային հավաքականի և Լոնդոնի «Արսենալի» կիսապաշտպան Հենրիխ Մխիթարյանը վնասվածք է ստացել և կվերադառնա շուրջ 6 շաբաթից: Նա մարզումները կվերսկսի հաջորդ տարվա փետրվարին: Մխիթարյանը շնորհակալություն է հայտնել երկրպագուներին` իրեն աջակցելու համար:
«Զգացված եմ բոլոր այն մաղթանքներից, որոնք վերաբերում են իմ շուտափույթ ապաքինմանը: Շնորհակալ եմ բոլորիցդ: Կվերադառնամ ավելի ուժեղ»,- ֆեյսբուքյան իր էջում գրել է Մխիթարյանը:
Հիշեցնենք, որ Հենրիխը վնասվածքն ստացել էր Անգլիայի լիգայի գավաթի խաղարկության քառորդ եզրափակիչ փուլի «Տոտենհեմի» դեմ կայացած խաղում և փոխարինվել էր առաջին խաղակեսից հետո:
