Բրիտանացի մոլեկուլային կենսաբաններն առաջին անգամ կարողացել են ցողունային բջիջները վերածել ընկերքային հյուսվածքի փոքրիկ նմանակի, որի ուսումնասիրությունը կօգնի նվազեցնել վիժումների թիվը եւ լավացնել երեխայի առողջությունը:
Դրանով կատարված առաջին փորձերի արդյունքները ներկայացվել են Nature հանդեսում, տեղեկացնում Է «Արմենպրես»-ը: «Մենք գրեթե ոչինչ չգիտենք, թե ինչպես Է գործում ընկերքը, քանի որ մեզ մոտ բացակայում են դրա լիարժեք նմանակներն ինչպես մոդելային կենդանիների թվում, այնպես Էլ լաբորատորիաներում: Մինչդեռ, այդ օրգանի աշխատանքի խանգարումներն սպառնում են մոր եւ նրա երեխայի կյանքին՝ սկսած տոքսիկոզից եւ վերջացրած վիժումներով»,- պատմում Է Մարգարիտա Թուրկոն՝Քեմբրիջի համալսարանից (Մեծ Բրիտանիա): Ինչպես հույս ունեն կենսաբանները, այդ մինի-օրգաններով գիտափորձերը կօգնեն նաեւ հասկանալու, թե ինչու որոշ հազվագյուտ ախտածիններ, օրինակ՝ Զիկա վիրուսը, կարող են ներթափանցել դրա միջով, հաղորդել Է ՌԻԱ Նովոստին:
