Մելանյա Թրամփն անցել է իր ամենասիրելի գործին. Սպիտակ տունը դիմավորում է 2019-ը (լուսանկարներ)

Աշխարհի տարբեր անկյուններում արդեն մեկնարկել են ամանորյա միջոցառումները, զարդարվում են ամենատարբեր բնակավայրեր ու կառույցներ:

ԱՄՆ-ի առաջին տիկինն այս տարի արդեն անցել է իր ամենասիրելի գործին՝ Սպիտակ տան ձեւավորմանը: Հայտնի է, որ Մելանյա Թրամփի ամանորյա զարդարանքներն ամենաճաշակովներից ու գեղեցիկներից են համարվում աշխարհում:

Այս տարի զարդարանքի հիմնական գույն է ընտրվել  կարմիրը, նախորդ տարի Սպիտակ տան գլխավոր գույնը սպիտակն էր:

ԱՄՆ-ի նախագահական զույգն արդեն դիմավորել է երկրի թիվ 1 եղեւնին, դիզայներական մի ամբողջ խումբ է աշխատում Սպիտակ տան յուրաքանչյուր սենյակի ձեւավորման համար:

«Մելանիա Թրամփի զարդարած Սպիտակ տունը փայլում է հայրենասիրության ոգով», — ասված է Սպիտակ տան հայտարարության մեջ:

Աղբյուրը նշում է, որ Սպիտակ տան յուրաքանչյուր դահլիճ զարդարված է յուրահատուկ ոճով և նվիրված է որևէ անձի կամ իրադարձության: Սուրբծննդյան իտերիերի գլխավոր գույներն են՝ կարմիրը, կապույտը և ոսկեգույնը:

Սուրբծննդյան տոնի կապակցությամբ դեկտեմբերին Սպիտակ տունը կանցկացնի ավելի քան 100 միջոցառում, կընդունի ավելի քան 30 հազար այցելու:

Աղբյուրը ՝armtimes.com