Երեկ Նոր Օրլեանում սպանել են ռեփեր Young Greatness-ին։ Ռեփի նորաթուխ աստղը, ում իսկական անունը Թեոդոր Ջոնս է, սպանվել է Waffle House ռեստորանում կրակոցների ժամանակ, հայտնում է Rolling Stone-ը։ Դեպքի վայր ժամանած բժիշկները 34-ամյա երաժշտի մահը հաստատել են տեղում։
Մահացած ռեփերի ընկերը՝ ռեփեր P Town Moe-ը պատմել է, որ Ջոնսը կրիմինալի հետ կապ չի ունեցել․ նրան հետաքրքրում էին միայն երաժշտությունն ու դուստրը։
Ոստիկանությունը փնտրում է երկու կասկածյալներին։ Ռեփերի մահվան պատճառները դեռ հայտնի չեն։
Young Greatness-ի ամենահայտնի ստեղծագործությունը Moolah 2015թ․-ի սինգլն է, որը Billboard Hot 100-ում զբաղեցրել է 85-րդ հորիզոնականը։
Նշվում է, որ անհայտ մի տղամարդ է կրակել ռեփերին։ Դեպքը տեղի է ունեցել տեղի ժամանակով ժամը 1:35-ին
Աղբյուրը՝ News.am
