Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյուն հաղորդել է, որ ակումբը չի ցանկանում վաճառել հարձակվող Մարկուս Ռեշֆորդին և ֆրանսիացի կիսապաշտպան Պոլ Պոգբային:
«Կարծում եմ, որ Պոգբան «Մանչեսթեր Յունայթեդում» է խաղալու նաև հաջորդ մրցաշրջանում. զգում եմ դա: Վստահեցնում եմ ձեզ, որ չեմ ցանկանում նրա հեռանալը:
Ակումբը մտադիր չէ վաճառել նրան, առաջարկներ չունենք:
Ինչ վերաբերում է Ռեշֆորդին, ապա նա շարունակում է տպավորել ինձ: Այդ պատճառով է նա այդքան շատ խաղային ժամանակ ստանում: Նա չպետք է հեռանա թիմից»,- Մոուրինյուի խոսքը մեջբերում է ակումբի պաշտոնական կայքը:
Public.am
