Սյունիքի մարզի Քաջարան քաղաքի բնակիչները փակել էին քաղաք մտնող գլխավոր ճանապարհը, որպեսզի վարչապետ Նիկոլ Փաշինյանը չկարողանա մտնել Քաջարան: Ի վերջո, պարզ դարձավ, որ Փաշինյանը եւ նրան ուղեկցող շարասյունը շրջանցել են Քաճարանը եւ քաղաք չեն մտնելու:
Հավաքված քաղաքացիներից մեկը նշեց. «Նիկոլ Փաշինյանը ապացուցեց, որ ինքը վախկոտ, թուրքի կոշիկները լիզող անձնավորություն է: Ինքը իրավունք չունի սյունյաց հողը պղծի»:
Մեկ ուրիշ քաջարանցի էլ ասաց. «Ես զարմանում եմ, որ առ այսօր ոչ մի պատգամավոր, լինի իշխանություն, թե ընդդիմություն, իշխանության ներկայացուցիչներից որեւէ մեկը չի եկել Քաջարան: Չեն բարեհաճել գալ Քաջարան, հարցենել, թե ոնց ենք ապրում: Եթե որեւէ մեկը մտածի Մեղրիով միջանցք բացել, թեկուզ մի հատ արահետ, դա կլինի Հայաստանի վախճանը»:
Նշենք, որ Փաշինյանի ավտոշարասյունը Քաջարան էր գալիս Ագարակ ու Մեղրի այցերից հետո, որտեղ նրանդ դիմավորել ու ճանապարհելէին հայհոյանքներով ու սուլոցներով:
Ավելի վաղ NEWS.am-ը հայտնել էր, որ ապրիլի 20-ին վարչապետ Նիկոլ Փաշինյանը խիստ գաղտնի պայմաններում ուղեւորվել է Սյունիքի մարզ։ Նրա այցի մասին տեղեկությունը խիստ գաղտնի է պահվել, ուժայիններն այդ մասին իմացել են վերջին պահին, նույնիսկ ճանապարհային ոստիկանությանն ընդամենը կես ժամ առաջ են տեղեկացրել, որ պետք է ուղեկցեն վարչապետին։
Փաշինյանը երեկ գիշերով այցելել էր Շուռնուխ համայնք։ Մամուլում լուրեր են շրջանառվում, որ Փաշինյանին բնակիչները ընդունել են վրդովված եւ սառը։
Իսկ արդեն այսօր Նիկոլ Փաշինյանին հայհոյանքներով եւ բողոքի ակցիաներով են դիմավորել Ագարակում, Մեղրիում:
Հիշեցնենք, որ նախօրեին անսպասելիորեն փոխվել են Սյունիքի ոստիկանապետը, նրա տեղակալը, Գորիսի եւ Կապանի ոստիկանապետերը։ Մեկ համայնքից բացի Սյունիքի բոլոր համայնքների ղեկավարները հրապարակավ պահանջել են Փաշինյանի հրաժարականը։
