Տեղի կունենա «Music 20: COVID-19» առցանց համերգ-փառատոնը՝ ավելի քան 23 երկրից մենակատարների մասնակցությամբ
Երևանի Կարեն Դեմիրճյանի անվան մարզահամերգային համալիրում հուլիսի 10-ից 28-ը տեղի կունենան «Music 20: COVID-19» առցանց համերգ-փառատոնը: Այս մասին այսօր՝ հուլիսի 9-ին, Երեւանում կայացած համատեղ մամուլի ասուլիսին հայտարարեց համալիրի տնօրեն Կարեն Ղազարյանը:
Այս ընթացքում 19 կամերային եւ սիմֆոնիկ համերգ կանցկացվի՝ ինչպես տեղական, այնպես էլ արտասահմանյան դիրիժորների եւ երաժիշտների մասնակցությամբ: Նման համերգ անցկացնելու գաղափարը, ըստ Ղազարյանի, ծագել է Հայաստանի պետական սիմֆոնիկ նվագախմբի գեղարվեստական ղեկավար եւ գլխավոր դիրիժոր Սերգեյ Սմբատյանի մոտ:
«Մշակույթի աջակցության եվրոպական հիմնադրամի աջակցության շնորհիվ մենք կարողացանք իրենց միջոցներով կազմակերպել այս փառատոնը: Սա դասական երաժշտության փառատոն է: Կմասնակցեն աշխարհի բազմաթիվ երաժիշտներ: Մեզ համար կարեւոր է, որ այս փառատոնը տեղի է ունենում այդպիսի ծանր ու դժվարին ժամանակահատվածում, այսպիսի ծանր պայմաններում, երբ մոլեգնում է համավարակը, երբ մշակույթը հայտնվել է անմխիթար վիճակում՝ հատկապես, երբ խոսքը վերաբերում է դասական երաժշտությանը: Մարդիկ փաստացի մնացել են տանը՝ առանց աշխատանքի, եւ այսպիսի պայմաններում Հայաստանն այն եզակի երկրներից է, որը, ի հեճուկս բոլոր անվտանգության չափանիշներին, այսպիս միջոցառում է կազմակերպում, որտեղ մշակույթը շարունակում է ապրել՝ ցուցադրելով իր վերաբերմունքը համավարակի նկատմամբ եւ կորոնավիրուսի դեմ պայքարի գործում»,- նշել է մարզահամերգային համալիրի տնօրենը։
Իր հերթին, Հայաստանի պետական սիմֆոնիկ նվագախմբի գեղարվեստական ղեկավար եւ գլխավոր դիրիժոր Սերգեյ Սմբատյանը նշեց, որ համերգներին կմասնակցի հայտնի դիրիժոր Մարիոս Ստրավինսկին, ինչպես նաեւ Մարիինյան թատրոնի հրավիրյալ մենակատար Գևորգ Հակոբյանը: Սմբատյանը նաեւ հայտնել է, որ փառատոնը կընդունի ավելի քան 23 մենակատարի աշխարհի տարբեր երկրներից։
Հայաստանի պետական սիմֆոնիկ նվագախմբի գլխավոր դիրիժորի գնահատականով՝ համերգներին կհետեւի մոտ 100 հազար հանդիսատես ամբողջ աշխարհում։
