Հայկ Մարությանը որոշել է կտրուկ բարձրացնել իր աշխատավարձը, որքան կկազմի իր աշխատավարձը՝ նախկին 575 000 դրամի փոխարեն
«Հրապարակ» թերթից տեղեկանում ենք, որ չորեքշաբթի օրը Երեւանի ավագանու նիստում ուշագրավ հարց է քննարկվելու։ Երեւանի քաղաքապետը որոշել է անակնկալ մատուցել բոլորին։ Մարությանը որոշել է կտրուկ բարձրացնել իր ու մյուսների աշխատավարձը։
Ըստ ներկայացվող նախագծի, Հայկ Մարությանը նախկին 575 հազար դրամի փոխարեն կստանա ամսական 1 միլիոն 200 հազար դրամ: Նշենք, որ հենց այդքան է կազմում վարչապետի աշխատավարձը: Քաղաքապետարանի վարչությունների պետերը նախկին 346 հազարի փոխարեն կստանան 641 հազար։
Կաբրձրանա նաև վարչական շրջանների ղեկավարների՝ թաղապետերի աշխատավարձը․ նրանք 400 հազարի փոխարեն կստանան 773 հազար դրամ։ Նրանց տեղակալները 346 հազարի փոխարեն՝ 668 հազար։
Ի դեպ, քաղաքապետարանի հաստիքացուցակն էլ է աճել՝ նախկին 1998 հաստիքի փոխարեն 2124,5 հաստիք կունենան։ Մենք հարցրինք՝ այս աղքատ երկրում որտեղի՞ց միջոցներ, ասացին՝ «համայնքային բյուջեից»։
