«Թագավորական հարսներ» Քեյթ Միդլթոնը եւ Մեգան Մարքլն իրենց թույլ են տալիս շեղվել հագուստի հետ կապված խիստ կանոններից, որոնք սահմանված են բրիտանական միապետական ընտանիքի համար։ Դա լիովին արդարացված է… չէ որ ժամանակակից նորաձեւությունն իրեն է թելադրում, իսկ թագավորական արգելքներն արդեն հին են։ Թագուհին հանդուրժողականություն է դրսեւորում Մեգան Մարքլի ոչ միանշանակ կերպարների նկատմամբ։ Իսկ Քեյթի դեպքում ամեն ինչ այդքան էլ հեշտ չէ։
Քեմբրիջի դքսուհու առնչությամբ ավելի խիստ կանոններ եւ սահմանափակումներ գոյություն ունեն։ Այդ մասին հայտարարել է թագավորական ընտանիքի փորձագետ, բրիտանացի լրագրող Էշլի Փիրսոնը։
«Թագուհին բազմաթիվ անգամներ նկատողություններ է արել Քեյթին անընդունելի երկարությամբ շրջազգեստներ կամ անհամապատասխան գույնի զուգագուլպաներ կրելու առնչութամբ։ Եղիսաբեթը հատուկ նշումներ է անում, եթե նրան դուր չի գալիս Քեյթի արտաքին տեսքը։ Դրանք հետագայում ստանում է դքսուհին»,- պարզաբանել է Փիրսոնը։
Հենց այդ պատճառով Քեյթն առավել համեստ է հանգնվում՝ նախապատվություն տալով թագավորական ընտանիքի կողմից հավանության արժանացած ապրանքանիշերին այն դեպքում, երբ Մեգան Մարքլն էքսպերիմենտներ է անում ապրանքանիշերի եւ դիզայներների հետ։
Ի տարբերություն Մեգանի եւ Եղիսաբեթ Երկրորդի օրինակով Քեյթը զգեսպահարանը խնայողաբար է ձեւավորում։ Նա հաճախ է հանրությանը ներկայանում հագուստով, որն արդեն կրել է եւ նույնիսկ ձեւափոխում է զգեստները։
«Այդ իմաստով Քեյթի եւ Մագնի միջեւ մեծ տարբերություն կա։ Նույնիկ Միդլթոնի շրջազգեստի երկարությունը խստորեն կանոնակարգված է»,- Express-ի հետ զրույցում ասել է Էշլին։
Այսպիսի խիստ մոտեցումը Քեյթի նկատմամբ պայմանավորված է նրանով, որ Ուիլյամը հորից՝ 70-ամյա արքայազն Չարլզից հետո երկրորդն է գահի համար հերթում։ Հենց Քեյթի ամուսինը զբաղեցնի գահը, նա կդառնա թագուհի-կոնսորտ։ Միդլթոնը կստանա հսկայական ադամանդներով զարդարված միապետական թագը։ Թագուհին Ուիլյամի կնոջն արդեն բավական ակտիվորեն պատրաստում է այդ կարգավիճակին։
