Կոստայի պատիժը ամենադաժաններից էր Իսպանիայում. «Ատլետիկոն» կբողոքարկի այն

1

«Ատլետիկո Մադրիդի» հարձակվող Դիեգո Կոստայի՝ 8 խաղով որակազրկումը երկրորդ ամենախիստ պատիժն է իսպանական ֆուտբոլում 21-րդ դարում, հաշվել է Marca-ն:

Ամենախիստ պատժին արժանացել է «Ռեալի» պաշտպան Պեպեն՝ 2008/09 մրցաշրջանում Խավի Կասկերոյին ոտքով հարվածներ հասցնելու համար: Նրան որակազրկել էին 10 խաղով:

Ավելի դաժան պատիժ ստացել է Դանի Բենիտեսը՝ «Գրանադա» – «Ռեալ Մադրիդ» խաղում մրցավարի վրա շիշ նետելու համար, սակայն թեև նրան որակազրկել էին 3 ամսով, բայց դա արդեն մրցաշրջանի ավարտն էր ու փաստացի նա զրկվեց ընդամենը 1 խաղի մասնակցելու հնարավորությունից:

Իսպանական ֆուտբոլում ամենադաժան պատիժը եղել է Խոակին Կորտիզոյի որակազրկումը՝ 24 խաղ: Նրա միտումնավոր հարվածից հետո մրցակցի ոտքը կոտրվել էր:

Նշենք, որ «Ատլետիկոն» պատրաստվում է բողոքարկել Դիեգո Կոստայի որակազրկման որոշումը: Հարձակվողին պատժել են մրցավարի մոր հասցեին վիրավորական արտահայտություն թույլ տալու համար:

Leave A Reply

Your email address will not be published.