Աբրահամ Խաշմանյան․ Այդ ֆուտբոլիստը գող է, սրիկա, ծույլ, անտեր բոմժ, չի սիրում աշխատել
Եղել է գողություն, ես էլ կոպիտ զգուշացում եմ տվել, քանի որ այս ակումբում ամեն ինչի պատասխանատուն ես եմ, ասել է Երեւանի «Արարատի» գլխավոր մարզիչ Աբրահամ Խաշմանյանը՝ NEWS.am Sport-ի թղթակցի հետ զրույցում մեկնաբանելով թիմի 22-ամյա հարավաֆրիկացի հարձակվող Զվանե Մպումելելոյի շուրջ ստեղծված իրավիճակը։ Ֆուտբոլիստը դիմել է Հայաստանի ֆուտբոլի ֆեդերացիա՝ Աբրահամ Խաշմանյանին մեղադրելով իրեն ծեծի ենթարկելու մեջ։
«Չի կարելի կեղծ ու իրականությանը չհամապատասխանող լուրեր տարածել: Պետք է տարբերել՝ ով ով է, ով, ինչ է արել հայկական ֆուտբոլի համար, ով ինչ է անում, Խաշմանյանն ով է, մի հատ «բոմժն» ով է… Համացանցը ողողել են այս լուրով՝ «սկանդալ» վերնագրելով: Խաշմանյանը մի քիչ հանրային մարդ է: Մարդկանց էլ պետք է, որ մի քիչ «ռեկլամ» լինեն: Հիմա իմ անունը հոլովելով «ռեկլամ» են լինում: Այս իրավիճակը նորմալ է, բնական է:
