Մահացել է The Prodigy խմբի մենակատար Կիտ Ֆլինտը։ Երգիչը 49 տարեկան էր։
Նրա մարմինը հայտնաբերվել է մարտի 4-ի առավոտյան՝ Մեծ Բրիտանիայի Էսեկս կոմսությունում գտնվող իր բնակարանում։
Դեպքի վայր ժամանած ոստիկանությունը Ֆլինտի հարազատներին արդեն իսկ տեղեկացրել է երաժիշտի մահվան մասին։ Իրավապահ մարմինների տվյալներով՝ արտիստի մահը բռնի չէ։
Կիտ Ֆլինտի մահվան պատճառներն առայժմ չեն հաղորդվում։
